“Dështon projektligji”: VV e LDK nuk votojnë pro ligjit për vlerat e luftës së UÇK’së

0

Deputetët e Lëvizjes Vetëvendosje dhe ata të Lidhjes Demokratike të Kosovës nuk e kanë votuar sot projektligjin për mbrojtjen e vlerave të luftës së Ushtrisë Çlirimtare të Kosovës, shkruan Gazeta Metro.

Ky projektligj i cili ishte proceduar në Kuvend në vitin 2018 me iniciativë të kryetarit të Partisë Demokratike të Kosovës, Kadri Veseli, ka për qëllim institucionalizimin e luftës së UÇK-së dhe promovimin e mbrojtjen e vlerave të luftës nëpërmjet ligjit.

Sponzor

Pro këtij ligji votuan vetëm 35 deputetë, ndërsa 1 ishte kundër. Pro ligjit votuan të gjithë deputetët e PDK-së që ishin në seancë, ata të AAK-së, NISMA dhe deputetë të minoriteteve jo-serbe.

Edhe pse në seancë ishin të pranishëm deputetët e Vetëvendosjes dhe ata të LDK-së, nuk morën pjesë fare në votim duke bllokuar miratimin e ligjit për mbrojtjen e vlerave të luftës së UÇK-së.

Kujtojmë se me përmbajtjen e projektligjit nuk është pajtuar ambasada amerikanë në Prishtinë. Përmes një reagimi të datës 7 gusht, ambasadori i Shteteve të Bashkuara në Kosovë, Philip Kosnett, ka alarmuar për rrezikun që prodhon ligji sa i takon cenimit të lirisë së shprehjes./

-Sponzor-