E konfirmon Kadri Veseli, Amerika i dhuron super-armatim Kosovës, ia dhuron edhe 250 autoblinda

0

Kryetari i Kuvendit të Kosovës, Kadri Veseli, ka thanë se krijimi i Ushtrisë së Kosovës asht vazhdimësi e Ushtrisë Çlirimtare të Kosovës.

Veseli ka fole edhe për pajisjet ushtarake të dhurueme për Kosovën nga Shtetet e Bashkueme të Amerikës, tue shtue për Blic Interview se ato janë në rrugëtim por nuk ka specifikue nji datë të saktë.

Ushtria është krijuar me 14 dhjetor, është ditë heroike e Ushtrisë Çlirimtare të Kosovës, do të thotë është vazhdimësi, më lejoni ta theksoj këtë fakt edhe procesi i transformimit tani në Ushtri, od të marrë disa vite, të jemi korrekt, për vet faktin se do të zgjerohen kapacitetet”.

Ai ka tregue  se në ushtrinë aktive do të jenë 5-mijë forca të armatosuna.

”Tanimë në ushtrinë aktive do të jenë 5-mijë forca të armatosura, do të ketë pajisje. Kemi filluar pajisjet, të cilat janë mjete të blinduara. Do të ketë armatime. Armatime të cilat janë për doktrinën tonë të mbrojtjes të cilën e ka Republika e Kosovës. S’do të jetë doktrinë agresive, por doktrinë e partneritetit, është doktrinë e fqinjësisë së mirë, është doktrinë e kryerjes së obligimeve Kosova me partnerët ndërkombëtarë në fushën globale të sigurisë”.

”Forca e Armatosur, Ushtria e Kosovës është aktualisht një nga forcat më profesionale, shkollimi ka ndodhë në shumicën e akademive më prestigjioze, dhe “spointi” është si të them, në terminologjinë shkencore, “Harvard-i” ndoshta edhe më lartë, mund të gabohem me “Harvard-in” për akademitë ushtarake. Isha në “National Defence University”, e jashtëzakonshme – kishte kadetë tonë! Shtetet e Bashkuara të Amerikës, janë përkrahësit tanë më të mëdhenj. Do të na japin përkrahje në armatim, ajo është vetëm duke filluar”, ka tregue Veseli.

Veseli ka thanë se Ushtria e Kosovës ka me i pasë rreth 250-mjete të blindueme të tilla.

”Sa isha atje, më pyetnin ‘Kryetar mos po janë vetëm fotografi’ pra ‘a do të vijë ato armatime?’, ato janë duke ardhur në Kosovë. Kosova, Ushtria e Kosovës do të ketë rreth 250-mjete të blinduara të tilla. Do të marrim edhe pajisje të tjera të cilat janë edhe në aspektin më ofensivë por edhe më defensive, për aq sa do të ketë edhe pajisje të cilat do të jenë në mbrojtjen e hapësirës tonë ajrore edhe tokësore”, ka thanë Veseli.

-Sponzor-