Fillon lufta në mes dy Vetëvendosjeve: Vjen sulmi i parë direkt ndaj Kurtit

0

Një luftë speciale ndaj kreut të VV’së Albin Kurti ka nisur edhe përmes një faqeje në facebook, e regjistruar me emrin “Vetëvendosje e Vërtetë”.

Në mesin e shumë postimeve kundër Kurtit, sot është publikuar edhe fotografia e kreut të VV’së nga takimi në Tiranë me Kryeministrin e Shqipërisë Edi Rama dhe zëvendëskryeministrin kosovar Fatmir Limaj.

Sponzor

Aty, administratorët e kësaj faqeje kritikojnë Kurtin për “dëfrim në luks” me njerëz të pushtetit. Madje, sipas “Vetëvendosje e vërtetë” Albin Kurti deri me tash ka shitur pallavra rreth këtyre pamjeve.

“Albin Kurti na shet pallavra për luks dhe lidhje me njerëz të pushtetit e biznesit. E sot ai në Tiranë dëfrehet në luks, me njerëz të pushtetit, që akuzohen edhe për keqqeverisje, që e plaçkitin qytetarin dhe shtetin”, shkruan kjo faqe.

I njëjti profil në facebook, ditë më parë ka akuzuar edhe ish-drejtorin e VV’së për Infrastrukturë në Komunën e Prishtinës, Hysen Durmishi se gjoja shet moral, ndërkohë që “lë shtatzënë punëtoren e Komunës”, referuar aferës së tij me një punonjëse komunale.

“Kush po na shet moral? Keta qe lene shtatezene punetoret e Komunes se Prishtines a?”, shkruan në një postim të faqes në fjalë.

 

-Sponzor-