Mustafa uron Hotin: Deputetët që votuan pa hezituar dhe pa u frikësuar, vota e tyre do ta shpëtojë Kosovën

0

Lideri i LDK-së, Isa Mustafa e ka cilësuar ditë të madhe për Kosovën votimin e Qeverisë së Re të udhëhequr nga Avdullah Hoti.

Mustafa uroi Hotin për marrjen e postit të ri, qytetarët si dhe partitë të cilat janë në koalicion qeverisës, transmeton Indeksonline.

Madje Mustafa tha se vota e deputetëve që votuan pa hezituar këtë qeverisje, do të shpëtojë Kosovën.

Postimi i plotë:

Një ditë e madhe për Kosovën.

Kosova zgjodhi Qeverinë e re me Kryeministër, Avdullah Hoti.

Urime zotni Kryeministër!

Urime qytetarë të Republikës së Kosovës!

Urime LDK, AAK, Nisma, AKR, parti parlamentare që përfaqësoni komunitetet joshumicë!

Urime deputetë që votuat pa hezituar dhe pa u frikësuar! Vota juaj do ta shpëtojë Kosovën.

Sot përcollëm një ekspoze të qartë, konkrete me orientime vizionare të Kryeministrit tonë. Të njeriut me tipare humane, me dije të thella shkenëcore; i thjeshtë dhe i afërt me njerëz. Nuk e ofendoi askend; apeloi për ura bashkëpunimi; reflektoi vullnet të paskajshëm për familjen evropiane dhe euroatlantike.

Zotni Kryeministër,

Të priftë e mbara së bashku me kabinetin tuaj të mrekullueshëm! IM

-Sponzor-