Serbia merr vendim të papritur

0
Serbian Prime Minister Ana Brnabic speaks during a press conference after talks with her Macedonian counterpart Zoran Zaev at the Serbia Palace in Belgrade, Serbia, Tuesday, Nov. 21, 2017. Zaev is on a two-day official visit to Serbia. (AP Photo/Darko Vojinovic)

Një gjykatë në Beograd dënoi shtatë persona me nga 7.5 deri në 11 vjet heqje lirie nën akuzat për financim dhe ndihmë në rekrutimin e luftëtarëve për grupin militant Shteti Islamik në Siri.

Ky është vendimi i parë i tillë që përfshinë shtetas serbë të dyshuar për ndihmë ndaj militantëve islamikë dhe pjesërisht rrjedh nga një ligj i vitit 2014 që ndalon përfshirjen e qytetarëve të Serbisë në konflikte jashtë vendit.

Procesi gjyqësor kishte filluar në vitin 2015.

Nën të njëjtin ligj gjykatat serbe kanë dënuar 28 serbë që kishin luftuar në krah të kryengritësve prorusë në Ukrainë.

Tre nga burrat e dënuar sot janë gjykuar në mungesë.

Abid Podbiçanin u dënua me 11 vjet heqje lirie me gjithë njoftimet se mund të jetë vrarë në Siri në vitin 2015, ndërsa Goran Pavloviq dhe Rejhan Plojoviq, që janë në arrati, u dënuan me nga dhjetë dhe 9 vjet e gjysme heqje lirie.

Sipas akuzës që të shtatë ngarkohen për “komplot për të kryer sulme terroriste, financimin, rekrutimin dhe trajnimin e të tjerëve, si dhe … për nxitje publike të terrorizmit”.

Sipas akuzës ata në Serbi, në rajon por edhe në vendet e Europës perëndimore kanë mbledhur para dhe kanë financuar shkuarjen e qytetarëve të Serbisë në kampe stërvitjeje e më pas në zonat e luftës.

Po sipas akuzës ata në fillim të vitit 2013 vunë kontakt me grupin militant ISIS dhe Frontin Al Nusra, organizata që Kombet e Bashkuara i kanë cilësuar terroriste.

Sead Plojoviq, Tefik Mujoviq, Izudin Cërnovërshanin dhe Ferhat Kasumoviq u dënuan me nga 7 vjet e gjysmë deri në 11 vjet heqje lirie.

Të gjithë të dënuarit mohuan akuzat dhe mund të apelojnë vendimin në një gjykatë më të lartë.

Një numër shtetasish serbë të përkatësisë fetare myslimane nga Sanxhaku, rajon në jugperëndim të Serbisë, kanë shkuar në Siri për të luftuar në radhët e grupit militant Shteti Islamik.

-Sponzor-