“Zbrazet” Kosova, qytetarët mësyjnë bregdetin shqiptar

0

Që në mëngjes herët pati radhë të gjata nga qytetarët e Kosovës që shkojnë për të pushuar në Shqipëri.
Qindra automjete dhe qytetarë të Kosovës kaluan Morinën në orët e para të së shtunës. Radhët e gjata ishin deri në Vërmicë. Udhëtarët pritën gjatë për shkak të fluksit.

Por edhe punimet që po bëhen në doganë po pengojnë punën.

Sponzor

Mospërfundimi i plotë i punimeve në pikën kufitare të Morinës duket se ka dhënë efektet e para negative me fluksin e lëvizjes së qytetarëve të Kosovës drejt Shqipërisë. Ka pengesa gjatë lëvizjes duke krijuar edhe radhë të gjata, të cilat janë në brendësi të territorit të Kosovës, raporton “ABCNews”.

Në funksionon janë katër sportele, të cilat po punojnë me kapacitet dhe procedurë të përshpejtuar.

“Vijmë për fundjavë, por radhë e gjatë makinash”, thotë një qytetar. “Është e gjatë kolona. Policia fle gjumë aty”, thotë tjetri. “Vijmë për fundjavë. Ne jemi të interesuar shumë, mirëpo neglizhenca është shumë e madhe”, shton një tjetër.
Këto janë disa nga shqetësimet kryesore të qytetarëve nga Kosova.

Shqipëria, kryesisht bregdeti, mbeten destinacionet e preferuara të qytetarëve nga Kosova. Nuk shmangin asnjë fundjavë, aq më pak tani, kur edhe kushtet e motit janë përmirësuar.

-Sponzor-